The Whisperer Chapter 7

“Pare, kailangan kong mag-imbestiga at kumuha ng mga ebidensya laban kay Richard Villarico.” Sabi ni Joshua kay Frankie habang pinapaandar ang kanyang kotse.

“At pano ka naman nakasisiguro na si Richard nga ang pumatay kay Agnes?”

“Pare, didn’t you heard it right? Siya lang ang may motibo.”

“Pero mahal niya si Agnes, why the heck he would kill the one he loves?”

“Diyan tayo hindi sigurado. Baka nga pera lang ni Agnes ang gusto ni Richard kaya siya nakipagrelasyon.”

“Basta ako, pare, iba ang nakikita ko. San tayo ngayon?”

“Pupunta tayo sa NBI para magtanong.”

“Cool! Ikaw, from columnist, ngayon detective Conan na! Ako naman, from hot bachelor, ngayon inspector clausso na! Haha. Pink Panther go!”

“Sira. Tara na nga.”

Dumiretso na sila sa NBI para doon naman kumuha ng impormasyon tungkol kay Agnes. Papasok palang si Joshua sa NBI building nang may bumulong sa kanya ng “Salamat.” Napangiti naman si Joshua dahil alam niyang si Agnes yun.

When they are already inside, NBI agent Prospero Kinchay entertained them.

“Ah sir, I’m Joshua Martinez from The Weekly News magazine. I’m here to fetch some info from the death of Agnes Fuentabella?”

“Nose bleed, sir! Haha. Hindi, joke lang. Hehe.” Sagot naman ni NBI agent Kinchay. “Ah ok. Here we go. So far, ang dahilan ng sunog na nakikita namin is electrical overload.”

“Ha? Sigurado ba kayong electrical difficulties ang dahil ng sunog!?” tanong ni Frankie na bahagyang tumaas ang tinig.

“Frankie, wag ka masyadong magulat.” Bulong ni Joshua. “Yun lang po ba sir? Wala bang foul play angle?”

“Foul play? Never pumasok ang angle na yun sa imbestigasyon although sinubukan naming i-check kung meron nga.”

“Ganun ba sir? Sige, alis na po kami.”

Lumabas na ng building sila Joshua at si Frankie.

“Imposibleng walang foul play sa pagkamatay ni Agnes.” Sabi ni Joshua.

“Sa tingin ko rin. Dahil walang magmumulto kung wala siyang kailangang hustisya.” Sagot ni Frankie.

“Kailangan nating pumunta sa mismong nasunog niyang mansion mamaya.”

“Alam ko na!”

“Ano Frankie?”

“Pumunta tayo sa mismong nasunog na bahay ni Agnes para doon mag-imbestiga!”

“Sira ka talaga. Tara na. Malayu-layo pa ng ibabyahe natin.”

Bumyahe na sila Joshua at Frankie patungo sa nasunog na mansion ni Agnes para maghanap ng ebidensyang magpapatunay na hindi aksidente ang nangyari, kundi planado para patayin si Agnes.

Inabot na sila ng gabi.

“Pare, ang dilim. Tara, balik nalang tayo bukas.” Sambit ni Frankie.

“Ano ka ba? Andito na tayo. Ang haba kaya ng binyahe natin tas uuwi ka lang.” tugon naman ni Joshua.

May dalang flash light ang bawat isa sa kanila. Maya maya pa ay may biglang kuminang sa may hagdanan. Bahagyang natatabunan ang malaking bahagi niyo ng abo.

Nilapitan ito ni Joshua, pinulot niya ito. Napagalaman niyang iyon ay isang silver bracelet na mukhang mamahalin. May pendant pa ang bracelet na half heart.

“Pare, tingnan mo to..” banggit ni Joshua habang ine-examine ang silver bracelet na iyon.

“Ano yan pare? Para ba kay Jessica yan? Ordzzzzz!”

“Ulol! Napulot ko to dito.”

“At ano naman kaya ang mapapala natin diyan?”

“Marahil ito na ang magtuturo sa tunay na suspect sa pagpatay kay Agnes.”