Si Aling Ursula

si aling ursula

May kuwento si lola ko ang tungkol sa kapitbahay nilang si Ursula.

Isang mayaman at maraming katulong.

Maldita at naninigaw.

May mga kumakalat na tsismis na isa daw itong aswang.

Lagi siyang tumitingin sa baba o yumuyuko kapag kinakausap.

Mahilig mamigay ng kamote, mani at suman.

Sabi pa nga ng mga matatanda sa lugar, si Ursula daw ay matandang matagal ng nabubuhay sa mundo.

Kaya 'wag na 'wag daw tatanggap ng mga pagkaing binibigay niya. Dahil nanghahawa daw yan ng pagka aswang.

Minsan pa nga daw kapag may buntis sa kanila lola nilalapitan daw ito at hinahapuhap ang tiyan na tila baga naglalaway.

At may isang eksenang ikinagimbal sa lahat. May burol daw sa lugar nila. Yung iba, abala sa pagsasakla at halos wala ng bantay sa burol dahil ang mga bantay ay napagod sa ilang araw na pagbabantay.

Sa pagkagulat nila kinaumagahan, nawala ang bangkay at ang nasa kabaong ay mga mais na tuyot at mga sanga ng puno ng saging na pinagbigkis. Kumbaga, pinalitan ito.

At ang hinala nila, ay si Ursula daw ang nagnakaw dahil napapansin nilang nagkaroon ng pagtitipon ng kamag anakan ni aling ursula sa malaki niyang bahay.

Ang pinakamalupit na ikinuwento sa kin ni lola ay nambiktima daw ng buntis si Ursula at di nagtagumpay, dahil ang asawa ng buntis ay nahuli niyang bumababa ang dila ng aswang. Pinutol ito gamit ang itak. Bigla daw sumigaw at nang hahabulin ng asawa ng buntis, nakita niya ang pusang kulay brown na napakalaki na kumakaripas ang takbo.

Kinabukasan, pinuntahan ng asawa ng buntis ang bahay ni ursula. Nakita niyang nakanganga daw ito at putol ang dila. Nanghihina.

Nang nalaman nila na aswang si Ursula nagsipulasang umalis ang mga katulong niya at ang iba pa nga daw nagnakaw pa.

Di na rin pinatay ng lalaki dahil alam niyang ang aswang na iyon ay di na magtatagal at mamamatay rin.

Nabalitaan daw namatay daw iyon agad dahil kapag tumuntong sa bahay ng aswang ang taong nanakit sa aswang ay tiyak na ang kamatayan nito.

 Source